Հայաստանում կան բազմաթիվ դատավորներ, որոնք ոչ թե ընտրովի, այլ հանձնարարովի արդարադատություն են իրականացնում։ Այս մասին հայտարարել է Նիկոլ Փաշինյանը՝ ընդգծելով, որ համակարգում շարունակում են խնդիրներ լինել։
«Մենք երբեք էլ չենք թաքցրել, որ դատական համակարգում բարեփոխումների մեծ շրջան ենք ապրում, բայց մեծ փոփոխություններ չունենք։ Հայաստանի անկախ դատական համակարգում կան պրոբլեմներ, որոնք պետք է լուծել», – ասել է վարչապետը՝ նշելով, որ առաջին քայլերից է եղել դատավորների աշխատավարձերի բարձրացումը, որպեսզի նրանք սոցիալական խնդիրներ չունենան։
Այս առնչությամբ Հելսինկյան ասոցիացիայի նախագահ, իրավապաշտպան Նինա Կարապետյանցը «Առաջին լրատվական»-ի հետ զրույցում նշեց. «Շատ տարօրինակ է Նիկոլ Փաշինյանի հայտարարությունը, որ կան դատավորներ, որոնք հանձնարարովի վճիռներ են կայացնում, որովհետև այդպիսի հայտարարություն նելու համար դու պետք է տեղեկություններ ունենաս: Դա նշանակում է, որ սա հայտարարություն էր հանցագործության մասին, այսինքն պարոն Փաշինյանը տեղյակ է, որ կան այդպիսի դատավորներ, հստակ այդպիսի տեղեկություններ ունի, և երկրորդ, սա հանցագործություն է հենց Փաշինյանի կողմից, որովհետև իմանալ այդպիսի ծանր հանցագործության մասին, ու չհայտնել այդպիսի դատավորների մասին իրավապահներին, ևս հանցագործություն է: Պարոն Փաշինյանը, փաստորեն երկու հանցագործության մասին հայտնեց, նախ, որ այդպիսի դատավորներ կան, երկրորդը, որ ինքը ենթադրաբար գիտի նրանց անունները և դրա առիթով որևէ մեկին չի դիմում»,-ասաց Կարապետյանցը:
Ն րա խոսքով, մյուս կողմից անտրամաբանական է, որ իշխանության լինելով 5 տարի, որոշակի և հստակ խոստումներով գալով իշխանության, Փաշինյանը դեռ շարունակում է բողոքել, որ համակարգում կան այդպիսի դատավորներ:
