Օգոստոսի 26-ին ՀԱԿ-իշխանություն երկխոսության առկախումից հետո թե՛ հասարակությունը, թե՛ իշխանությունը սպասում էին սեպտեմբերի 9-ի Կոնգրեսի հանրահավաքին՝ հասկանալու համար, թե ՀԱԿ-ը ինչ քաղաքականություն է առաջիկայում որդեգրելու: Րոպեներ առաջ տրվեց ՀԱԿ-ի սպասված հանրահավաքի մեկնարկը: ՀԺ գլխավոր խմբագիր Նիկոլ Փաշինյանը, ազդարարելով հանրահավքի բացումը, իր խոսքում դիմելով ՀՀ հպարտ քաղաքացիներին՝ ասաց.
«Ընդամենը 74 օր գոյատևեց քաղբանտարկյալ չունենալու հանգամանքը: Օգոստոսի 9-ին 7 քաղաքացիներ կրկին խոշտանգվում էին ոստիկանության բաժանմունքում: Իշխանությունը այլ լեզու չունի: Ոստիկանության բաժանմունքում ամեն օր ծեծվում և խոշտանգվում են ՀՀ քաղաքացիներ:
Միայն ՀՀ քաղաքապետարանի շնորհիվ հարյուրավոր քաղաքացիներ զրկվում են հանապազօրյա հացից՝ կրպակների ապամոնտաժման արդյունքում: Հայաստանը իր հույսը կարող է դնել իր վրա: Հայաստանի բանակը վերածվում է սեփական զինվորին խժռող մեքենայի:
«ՀՀ բանակի զինվորները հարաբերվում են ոչ թե զինվորական կանոնակարգով, այլ հանցավոր հրամանակարգով: Հայոց բանակը ոչ թե զինվոր, այլ կթու կով է հրամանատարի կողմից: Հավաքի ինքդ քեզ պսեվդո գեներալ: Եկել ես, որ մեր երեխաներին հանձնես թափթփուկների՞ն, ուրեմն եկել է քո գնալու ժամանակը»,- ավելացրեց Նիկոլ Փաշինյանը:
Նա նաև ասաց, որ հարկային մարմինները ճնշում են հարկատուներին, հրամանատարները՝ զինվորներին, պատգամավորը՝ ընտրողին, ուսուցիչը՝ աշակերտին, բոլորը խոշտանգում են բոլորին, որովհետև հայրենիքը քաղաքացու ատելությանը արժանացնելու պիղծ խնդիր են դրել իրենց առաջ:
Նրա խոսքերով, սա նշանակում է մեկ բան, որ Հայաստանում նշանակված է հեղափոխական իրավիճակ, և ժողովուրդը պետք է լուծի իշխանության խնդիրը: «Հեղափոխությունը կենսական անհրաժեշտություն է: Կոչ եմ անում յուրաքանչյուրին, կոչ եմ անում, կոչ եմ անում, կոչ եմ անում պատրաստվել հեղափոխության, և հենց հիմա դա էլ անում ենք: Այն ունի իրականություն դառնալու շանս»,- նշեց Նիկոլ Փաշինյանը: Ավելին՝ 24 ժամ նշանակեց հեռանալու համար, իսկ 500 հազարանոց հանրահավաքի բանաձևն է՝ 1+1, 1+1, 1+1, 1+1… ՀՀ ճակատագիրը կախված է 1 մարդուց, և այդ 1 մարդը դու ես, և այսպես շարունակ: Իսկ հաջորդ հանրահավաքին կտրվի հաղթական հանրահավաքի մեկնարկը:
ՀԱԿ հանրահավաքի ժամանակ, խոսելով ԵԽԽՎ մոնիտորինգի հանձնաժողովի ընդունած բանաձևի նախագծի վերաբերյալ՝ Նիկոլ Փաշինյանը նշեց, որ վեհաժողովը համարում է, որ հաշվի առնելով համաներումը, երկխոսությունը, 2008թ. դեպքերի քննությանը նոր թափ հողորդելը հիմք է, որ կարելի է Մարտի 1-ի էջը փակել: Սա Դավիթ Հարությունյանի և Պրեսկոտի գրած նախագիծն է:
Նրա խոսքերով՝ էջը կհամարվի փակված, երբ Ռոբերտ Քոչարյանը և Սերժ Սարգսյանը կկանգնեն արդարադատության առաջ և իրենց պատիժը կկրեն:
