Սեպտեմբերի 7-ին, ժամը 22.50-ին, ոստիկանության ծառայողները, թմրամիջոց պահելու կասկածանքով, Արշակունյաց պողոտայից բերման են ենթարկել 7 տղամարդու, որոնք ներկայացվել են տոքսիկաքիմիական փորձաքննության:
Նրանցից մեկը հայտնել է, որ սեպտեմբերի 7-ին Արշակունյաց պողոտայի 56 շենքի բնակարաններից մեկում «Կաֆետին» դեղամիջոցից իր համար փորձել է թմրամիջոց պատրաստել, սակայն չի հասցրել:
Մեկնած օպերատիվ խումբը նշված բնակարանում հայտնաբերել է 51 տուփ լուցկի, «Կաֆետին» դեղահաբի 3 դատարկ տուփ, տարբեր չափի 33 ներարկիչ, ներարկիչի ասեղներ, տարբեր տարաներ` հեղուկներով, և բամբակյա խծուծներ` շագանակագույն նյութի մնացորդներով:
Հայտնաբերվածն ուղարկվել է փորձաքննության:
Նշանակվել է դատաքիմիական փորձաքննություն:
Կատարվում է հետաքննություն:
