ՀՀ ԱԳՆ-ն տեղեկացնում է, որ ադրբեջանական կողմի խնդրանքով մյուս շաբաթ Վաշինգտոնում նախատեսվող քննարկումների հերթական փուլը հետաձգվում է: «Հանդիպման նոր ժամկետների վերաբերյալ հանրությունը պատշաճ կերպով կտեղեկացվի»,- նշված է ԱԳՆ խոսնակի գրառման մեջ: Թեմայի շուրջ «Առաջին լրատվական»-ը զրուցել է քաղաքագետ Միքայել Զոլյանի հետ:
Քաղաքագետը չի բացառում՝ վաշինգտոնյան հանդիպման չեղարկումը ռուս-ադրբեջանական պայմանավորվածություն է, հնարավոր են սադրանքներ․«Ադրբեջանը ցանկություն չունի մասնակցել գոծընթացին, նրանք ամեն ինչ անում են խափանել հանդիպումը: Բաքուն պատրաստ չէ ինչ-որ փաստաթուղթ ստորագրել, նրա նպատակը այլ է: ԱՄՆ-ն լրջորեն լծվել է գործընթացին, Ադրբեջանը փորձում է դիմադրել ճնշումներին: ԱՄՆ-ն դիվանագիտական ճնշումներ է գործադրում Ադրբեջանի նկատմամբ․ վաշինգտոնյան հանդիպման չեղարկումը դա է վկայում»: