Քիշնևի հանդիպումը շատ կարևոր է. Ֆրանսիան ուզում է, որ Եվրոպան ավելի ակտիվ ներկայություն ունենա տարածաշրջանում: «Առաջին լրատվական»-ի հետ զրույցում նշեց քաղաքագետ Կայծ Մինասյանը:
Քաղաքագետը կարծում է, որ Ադրբեջանն այլևս չի կարող ասել` Ֆրանսիան է մեղավոր. «Եթե այսպես շարունակվի, Փարիզն ու Բեռլինը ամեն ինչ կանեն, որ տարածաշրջանում խաղաղություն լինի: Լավ կլինի քիշնևյան ձևաչափը շարունակվի, արդյունքներից է կախված: Ֆրանսիան չի կարող միայնակ գտնվել հայ-ադրբեջանական բանակցությունների պրոցեսում, Գերմանիայի դերը շատ կարևոր է: Քիշնևյան պրոցեսը բրյուսելյան ձևաչափից առանձին չէ»:
Ըստ Մինասյանի`բանակցություններում մի կետ կա, որում արևմտյան և ռուսական մոտեցումները համընկնում են` դա տարածքային ամբողջականության ճանաչումն է. «Ալիևը շփացած է հաղթանակից. երեխայի նման ուզում է ամեն ինչ: Ալիևը ուզում է պատժի խաղաղություն: Մենք վճարում ենք պարտության գինը. ՀՀ կառավարությունը փորձում է անել հնարավորը, առանց վճարելու մեծ գինը: ՀՀ իշխանությունները մի օր պետք է հայտարարեն ինչ գին են վճարելու խաղաղության դիմաց»:
