Ինչպես հայտնում է PCNews-ը, Apple ընկերությունը iOS 5-ի և iCloud-ի թողարկման հետ համատեղ ծրագրում է գործարկել սոցիալական ցանց, որը նախատեսված կլինի բոլոր iOS-սարքերի համար: Ծառայությունը թույլ կտա տեղեկանալ` որտեղ են գտնվում օգտագործողները:
AppleInsider-ի փոխանցմամբ՝ նոր նախագիծը կստանա Find My Friends («Գտիր ընկերներիս») անվանումն ու կպարունակի սոցցանցի ստանդարտ ֆունկցիաներ՝ ավելացնել օգտագործողներին ընկերների ցուցակում, ընդունել ընկերանալու հրավերները, արգելափակել նրանց և այլն:
Find My Friends-ի ֆունկցիաների մասին տեղեկությունները ստացվել են Apple-ի MobileMe/iCloud կայքի HTML-կոդից, ինչը նշանակում է, որ նախագիծը մշակվում է շատ վաղուց (MobileMe-ի գործարկումից ի վեր):
Նշենք, որ iOS օպերացիոն համակարգն օգտագործող սարքերի (iPhone, iPad, iPod) թիվը 2011-ի հունիսի դրությամբ գերազանցել է 200 միլիոնը: Canaccord Genuity վերլուծական ընկերության կանխատեսմամբ՝ այս ցուցանիշը 2012-ի ավարտին կհասնի 400 միլիոնի:
