Грузия Online-ի փոխանցմամբ՝ Վրաստանի նախագահ Միխեիլ Սաակաշվիլին Լեհաստանում տեղի ունեցած ֆորումի ժամանակ անդրադարձել է ռուս-վրացական հարաբերություններին.
«Մենք ցանկանում ենք Վրաստանից դուրս բերել ռուսական տանկերը և հնարավորինս շատ ռուս զբոսաշրջիկներ ընդունել։ Բոլորը կարծում էին, թե առանց Ռուսաստանի, Վրաստանը պարզապես կփլուզվեր, քանի որ էներգակիրների ներկրման հարցում 90 տոկոսով կախված էր Ռուսաստանից։
Մինչդեռ այսօր մենք ենք դարձել արտահանող երկիր։ Նրանք մեր ապրանքատեսակների վրա բեռնարգելք դրեցին, սակայն մենք գտանք այլ ուղիներ և բարձրացրեցինք մեր արտադրանքի որակը, սկսեցինք դիվերսիֆիկացնել շուկաները։ Մարդիկ հրաժեշտ տվեցին խորհրդային մտածելակերպին։ Մենք չենք ցանկանում թշնամիներ ունենալ, սակայն բոլորին ցույց կտանք, որ մենք ավելի անկախ երկիր ենք, քան հետխորհրդային մյուս երկրները»։