ԱՄՆ պաշտպանության նախարարությունը Aero Vironment ընկերության հետ Switchblade անօդաչու ինքնաթիռների մատակարարման մասին պայմանագիր է ստորագրել: Ինչպես հաղորդում է Aero Vironment ընկերության մամլո ծառայությունը, Switchblade-ն իրենից ներկայացնում է չափազանց թեթև և ամփոփ մի մեքենա, որն ընդունակ է հրթիռներ կրել և ինքնաոչնչացվել:
Քանի որ մեքենան ունի հատուկ անաղմուկ շարժիչ, այն կարող է մոտենալ նպատակակետինէ առանց թշնամու ուշադրությունը գրավելու: Անօդաչու սարքը հայտնաբերում է թշնամուն և մեծ ճշգրտությամբ հարված հասցնում: Ներկայումս մասնագետներն աշխատում են մեքենայի կատարելագործման վրա` մեծացնելով նրա հնարավորությունները: