ԱՄՆ-ում չորս երեխա վարակվել է H3N2 գրիպի անհայտ տեսակով: Այս մասին հաղորդում է MSNBC հիվանդությունների վերահսկողության և կանխարգելման ամերիկյան կենտրոնի ներկայացուցիչ Թոմ Սքիներին:
Դեպքերից մեկը գրանցվել է Ինդիանա նահանգում: վարակվել է մի տղա երեխա, որի բարեկամները խոզ են պահում: Երեք երեխա հիվանդացել են Փենսիլվանիա նահանգում: Նրանք բոլորը այցելել են միևնույն տոնավաճառը, որտեղ ներկայացված են եղել տնային կենդանիներ: Սքիներն ասել է, որ H3N2 տեսակի գրիպը նախկինում հայտնի չի եղել և կարող է հեշտությամբ փոխանցվել մարդուց մարդուն: Հետազոտությունների ժամանակ այդ վիրուսում հայտնաբերվել է գենի տեսակ, որը շատ նման է 2009-2010 թթ. թռչնագրիպի համաճարակ առաջացրած H1N1-ին: Բժիշկներին մտահոգում է նաև այն փաստը, որ 2010 թ. սեպտեմբերին հիվանդացած երեխաներից երկուսը ստացել են H1N1 վարակի դեմ պատվաստում:
