Սփյուռքը շփոթության մեջ է, անորոշությունը տանջում է մեզ: «Առաջին լրատվական»-ի հետ զրույցում նշեց Հայ Ավետարանական եկեղեցու Եվրասիայի նախագահ Վերապատվելի Ռընե Լևոնյանը:
Լևոնյանի խոսքով` Ադրբեջանը ամեն ինչ անում է, որ Արցախի հարցը լուծվի հօգուտ իրեն, չպետք է դրան ընթացք տանք. «Արցախահայությունը զորավոր է, չպետք է թույլ տալ, որ Բաքուն հասնի իր նպատակին: Արցախի ժողովուրդը պետք է համոզվի, որ Սփյուռքն ու Հայաստանն իր կողքին են: Մենք հավատում ենք նաև Ֆրանսիայի անկեղծությանը, բայց չենք բավարարվում խոստումներով: Ֆրանսիան պետք է ազդեցիկ ձևով փաստի, որ Արցախի և Հայաստանի կողքին է: Որպեսզի ԵՄ-ն փաստի, որ ՀՀ կողքին է, պետք է Ադրբեջանի նկատմամբ պատժամիջոցներ սահմանի»: Վերապատվելին կարծում է, որ այս իրավիճակում իրավունք չունենք չգտնել փրկության ճիշտ ճանապարհը. «Սիրենք, թե չսիրենք իշխանությանը, չպետք է առիթ տանք թշնամուն ու հերթական պարտությունը կրենք»:
