«Հայկական բանակը ոչ թե մեր ձեռքբերումն է, այլ հայ ժողովրդի կայացումը»,- այսօր հրավիրված ասուլիսում ասաց «Արաբո» ջոկատի հրամանատար Մանվել Եղիազարյանը: Խոսելով բացթողումների մասին՝ նա նշեց, որ պետք է չնստել ինտերնետի առաջ և խելագարված զինվորի մասին լուրը կարդալ, սպանությունների մասին լուրեր կարդալ՝ սա է մեր բացթողումը: Ավելին՝ զինվորի և սպայի միջև սեր չկա: Իսկ դրան շատ հաճախ նպաստում է այն հանգամանքը, որ հիվանդին սպա են նշանակում, չոբանին սպա են նշանակում կամ հիվանդ տղաներին զորակոչում են:
«Այնինչ այսօր սոված-ծարավ զինվոր են պահում, որ ուղարկենք բանակ՝ սպանեն: «Մենք «Արաբոյում» նույնիսկ խմել ենք, բայց նման դեպքեր չի արձանագրվել, որովհետև մենք հայրենիք ենք պաշտպանել: «Արաբոյում» հինգ տարի կռվել ենք՝ երեք զոհ ենք տվել թշնամուն և մինչև հիմա չենք կարողանում պատասխանը տալ նրանց ծնողներին, իսկ վերջին տասնհինգ տարում խաղաղ պայմաններում մենք հազար հինգ հարյուր զոհ ենք տվել»,- ավելացրեց Մանվել Եղիազարյանը: Նա նաև ավելացրեց, որ նման դեպքերում ամբողջ ՊՆ-ի կազմը պետք է ռեզերվի տակ պահվի և մեղավորները պատժվեն, որ նման դեպքերը հետագայում բացառվեն:
Լրագրողները ջոկատի հրամանատարից հետաքրքրվեցին, թե ինչ նորություններ կան պատերազմի տարիներին «Արաբոյի» անհետ կորած տղաներից: Նա նշեց, որ պարզվել է, որ նրանք ոչ թե անհետ կորածներ են, այլ զոհվել են: Անհետ կորած համարվածներից քսանմեկ հոգի «Արաբո» ջոկատից էին, քսանհինգ հոգի՝ Հոկտեմբերյանի վաշտից, տասնիննը՝ Ղարբաղից և յոթը՝ Երևանից: Անմիջապես Սերժ Սարգսյանի հրամանով՝ ցանկացել են ադրբեջանցի զինվորների աճյունների դիմաց հետ վերցնել մեր տղաների աճյունները, սակայն ադրբեջանցիները չեն համաձայնել: Այս տղաների մասին ֆիլմ է պատրաստվել և առաջիկայում կհանձնվի մեր ուշադրությանը:
Լրագրողների այն հարցին, թե ինչ կապ ունի Հայոց բանակի հետ Մանվել Եզիազարյանը, հրամանատարը նշեց, որ կապ ունի այնքանով, որ սիրում է մեր բանակը, իսկ հայ տղան ի ծնե զինվոր է. «Ես բանակում եղել եմ, կռվել եմ, հետևաբար ծանոթ և հպարտ եմ հայ զինվորի տեսակով»։ Իսկ բանակում կադրային փոփոխություններին խոչընդոտում է այն հանգամանքը, որ ծանոթ-բարեկամ կապ կա, և շատ հաճախ այստեղ նախարարն էլ է անզոր: Լրագրողի այն դիտարկմանը, որ վերջին դեպքերից հետո շատ հնարավոր է՝ նախարարը հրաժարական տա և ում է տեսնում Եղիազարյանը նրա փոխարեն, բանախոսը նշեց, որ անփոխարինելի մարդիկ չկան, բայց դա ճիշտ որոշում չէ: Ընդամենը բանակը կարգի բերելու համար անհրաժեշտ է նախարարին շատ լայն լիազորություններ տալ: Իսկ ղարաբաղյան գործընթացը, նրա խոսքերով, շատ լավ վիճակում է, քանի որ արդեն կարողանում ենք մեր ասելիքն առաջ տանել:
Ի դեպ, բանակում ստեղծված իրավիճակի կարգավորման շուրջ շատ մեծ է նաև հասարակության մասնակցությունը, նա պետք է ուշադիր լինի և թելադրի, թե ինչպիսին պետք է լինի բանակը և սպա-զինվոր փոխհարաբերությունները:
Մանվել Եզիազարյանը նշեց, որ պաշտպանության նախարաը միանշանակ ազդեցություն բանակի վրա չունի, «կանտրոլ» չունի։
