Այս տարվա ապրիլի 1–ից էլեկտրական ցանցին միանալու վճարումները թանկացել են Հայաստանի հանրային ծառայությունները կարգավորող հանձնաժողովի որոշմամբ։ Կառավարության նիստից հետո լրագրողների հետ զրույցում այս մասին ասաց ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը` ի պատասխան շրջանառվող տեղեկություններին, որ ՀԷՑ–ի նոր բաժանորդ դառնալու համար մարդիկ պետք է մինչ 700 հազար վճարում կատարեն։
ՀԾԿՀ նախագահը նշեց, որ նոր միացող բաժանորդների համար տարբեր գնային սանդղակներ կան, անհատական բնակարանների կամ սովորական միացումների, բնակավայրում կամ բնակավայրից դուրս գտնվող միացումների համար տարբեր գումարներ են սահմանված։
