Ադրբեջանը շեղող հայտարարություններ է անում, որ խաղաղության գործընթացը խոչընդոտի: «Առաջին լրատվական»-ի հետ զրույցում նշեց քաղաքագետ Ռոբերտ Ղևոնդյանը:
Ըստ քաղաքագետի՝ միջազգային հանրությունն է թույլ տալիս Ալիևին նման կերպ գործել․ «Գործընթաց է, որտեղ կողմերը փորձում են ավելի ուժեղ խայթել միմյանց, բայց հանգուցալուծումից հեռու ենք: Արևմուտքի և ՌԴ-ի շահերից է բխում, որ այստեղ գործընթացը ձգձգվի մինչև ռուս-ուկրաինական պատերազմի հանգուցալուծումը»:
Քաղաքագետի խոսքով՝ Ադրբեջանը փորձում է ստանալ առավելագույնը, դա կարող ենք կանխել միայն ռազմական բալանսի վերականգնմամբ:
Քաղաքագետը նաև վստահ է, որ Հայաստանը հետ չի կանգնի Հռոմի ստատուտի վավերացումից, բայց հիմա ավելի դժվար կլինի: