Բեռլինում կայացած IFA-2011 էլեկտրոնիկայի միջազգային ցուցահանդեսը զրկվել է Samsung Galaxy Tab պլանշետային համակարգչից: Հարավկորեական ընկերությունն այպիսով կատարել է Դյուսելդորֆի դատարանի` սեպտեմբերի 2-ին կայացրած որոշումը, որն արգելել է այդ ապրանքատեսակի վաճառքը Գերմանիայի տարածքում: Այս մասին հայտնում է BBC գործակալությունը:
«Samsung-ը հարգում է դատարանի որոշումը և չի պատրաստվում է Galaxy Tab 7.7-ը ցուցադրել»,- ասված է ընկերության պաշտոնական հաղորդագրության մեջ: Ավելացնենք, որ ավելի վաղ Գերմանիայում արգելք է դրվել Galaxy Tab 10.1 վաճառելու վրա:
Հիշեցնենք, օգոստոսի 9-ին ամերիկյան Apple ընկերությունը, որը հայտնի է իր iPhone, iPad և Mac սարքերով, կարողացել է հասնել նրան, որ արգելք դրվի իր հակառակորդի սարքավորումների վաճառքի վրա, քանի որ դատարանում ապացուցել էր, որ հարավկորեական ընկերությունը օգտագործում է իր` iPad 2 պլանշետային համակարգչի միջերեսը, սարքավորումների և գործիքների մի մասը` դրանով իսկ խախտելով հեղինակային իրավունքի մասին օրենքը:
Օգոստոսի 17-ին Samsung Galaxy Tab 10.1 վաճառքի արգելքը հանվել էր Եվրամիության երկրներում, բացառությամբ` Գերմանիայից: