Այսօր «Էրեբունի Պլազա» բիզնես-կենտրոնում տեղի է ունեցել Ֆինանսական համակարգի հաշտարարի մամուլի ասուլիսը: Գրասենյակն ամփոփում է իր գործունեության արդյունքները և սեպտեմբերի 6-ից հայտարարում սպառողների ֆինանսական կրթության ծրագրի մեկնարկը:
Հաշտարարի գրասենյակը 2011 թվականի հունվար-օգոստոս ամիսների ընթացքում ստացել է ֆինանսական կազմակերպությունների դեմ ուղղված 525 բողոք: Այս տարի ստացվող զանգերի և այցելությունների գերակշիռ մասը վերաբերել են ֆինանսական կազմակերպություններին:
Գրանցվել է ընդհանուր բողոքների էական աճ: Քննության են ընդունվել 80 պահանջ, որոնցից 68%-ը լուծվել է հօգուտ հաճախորդների, և Հաշտարարի միջնորդությամբ քաղաքացիները ստացել են 29 մլն. ՀՀ դրամի փոխհատուցում:
