Իրանը մեղադրել է Իսրայելին Սպահան քաղաքի ռազմական օբյեկտի վրա անօդաչու թռչող սարքով հարձակման փորձի համար: Այս մասին հայտնում է BBC-ն:
ՄԱԿ-ում Իրանի դեսպանն ասել է՝ բացահայտումները ցույց են տալիս, որ Իսրայելը պատասխանատու է այդ ագրեսիայի փորձի համար: Նա նաև ասել է, որ Իրանն իրեն իրավունք է վերապահում վճռականորեն պատասխանել Իսրայելի ցանկացած սպառնալիքի կամ անօրինական գործողության:
Իսրայելը ոչ հաստատել, ոչ հերքել է հարձակման հետևում կանգնած լինելը :
Սպահանում հունվարի 28-ին անօդաչու թռչող սարքերով հարձակում էր իրագործվել իրանական զինամթերքի գործարանի վրա։ Իրանի հակաօդային պաշտպանության համակարգը խոցել էր ԱԹՍ-ները։
