Այսօր Ռուսաստանի նախագահ Դմիտրի Մեդվեդևը, ելույթ ունենալով Անկախ պետությունների համագործակցության գագաթնաժողովի ժամանակ, որը տեղի է ունենում Տաջիկստանի մայրաքաղաք Դուշանբեում, ասել է, որ Ռուսաստանը շարունակելու է ջանքեր գործադրել ԱՊՀ տարածքում ռուսերենի տարածման համար, որը միջազգային հաղորդակցության յուրօրինակ միջոց է: Այս մասին հաղորդում է գործակալությունը:
«Մենք աշխատելու ենք ԱՊՀ շրջանակներում ռուսերենի տարածման ուղղությամբ, ինչը ոչ մի կերպ չի նսեմացնում ազգային լեզուների նշանակությունը, որոնք կարևոր դեր են խաղում յուրաքանչյուր ժողովրդի համար»,- ասել է նա: Մեդվեդևը հիշեցրել է, որ ռուսերենը ԱՊՀ աշխատանքային լեզուն է և որպես միջազգային շփման միջոց շարունակում է պահպանել իր դերը ԽՍՀՄ նախկին տարածքում:
«Այն թույլ է տալիս մեզ լուծել ընդհանուր խնդիրները»,- նշել է ՌԴ նախագահը: