WikiLeaks-ի հերթական հրապարակումն անդրադառնում է այն փաստին, որ նախագահի աշխատակազմի ղեկավար Արմեն Գևորգյանը, պաշտպանելով Քոչարյանի կարծիքը՝ «Ազատություն» ռադիոկայանի անհիմն հանդես գալու վերաբերյալ, խնդրել է դադարեցնել ռադիոկայանի հեռարձակումը:
«Այն արդեն դարձել է Լևոն Տեր-Պետրոսյանի խոսափողը»,- հայտարարել է Գևորգյանը: Հրապարակումը հիշեցնում է նաև, որ Գևորգյանը բացահայտ սպառնացել է արգելել «Ազատություն» ռադիոկայանի հեռարձակումը՝ հույս հայտնելով, որ ԱՄՆ-ը կօգնի փոխել իրավիճակը, այլապես իրենք միջոցներ կձեռնարկեն:
Մեկնաբանելով իրավիճակը՝ նամակը պատրաստած ԱՄՆ դիվանագետն ասել է, որ ԱՄՆ-ը պետք է պայքարի, որպեսզի Հայաստանի իշխանությունները չփակեն «Ազատություն» ռադիոկայանը: «Այնուհանդերձ, մենք պետք է խուսափենք իշխանության մոտ տպավորություն ստեղծելուց, թե ԱՄՆ-ը պաշտպանում է ընդդիմությանը: Ուստի մենք խնդրում ենք «Ազատության» հայաստանյան ռադիոկայանին օբյեկտիվության օրինակ լինել Հայաստանում»,- ասված է հրապարակման մեջ:
WikiLeaks-ը գրում է նաև, որ այս խնդրի առթիվ Քոչարյանին նամակ է գրել պետքարտուղար Ռայսը: Նամակում ասվում է, որ իրենք մտահոգ են ռադիոկայանի ճակատագրով և մեծապես կանհանգստանան, եթե Վաշինգտոնում մեծ հեղինակություն ունեցող ռադիոկայանն իրավունք չունենա հեռարձակվել Հայաստանում:
