Թուրքական Cihan լրատվական գործակալության փոխանցմամբ՝ Թուրքիայի հարավարևելյան հատվածում գտնվող Մարդին քաղաքի հին քարե տները վերածվել են ոսկու։ Խոսքը 7000-ամյա պատմություն ունեցող քաղաքի հին քարե տների գնի կտրուկ աճի մասին է։ Այդ միտումը նկատվում է վերջին 10 տարիներին։
Եթե 10 տարի առաջ այդ պատմական քաղաքի հին տներն արժեին ընդամենը 25,000 թուրքական լիրա (ավելի քան 14,000 դոլար), ապա ներկայումս այդ ցուցանիշը կազմում է 1-2 միլիոն թուրքական լիրա (575,000-1,150,000 դոլար)։
Հիշեցնենք, որ 19-րդ դարի վերջին Մարդինն ուներ մոտ 20,000 բնակիչ, որից 7230-ը հայեր էին։ Իսկ 1914 թվականին Մարդինի 25,000 բնակիչներից հայերը միայն 1500-ն էին։
