Կառավարման մոդելի փոփոխությունը մեծ սթրես կլիներ պետական կառավարման համակարգի համար: «Առաջին լրատվական»-ի հետ զրույցում նշեց ԻՔՄ համակարգող Դանիել Իոաննիսյանը:
Իոաննիսյանը նշում է, թե պատկերացրեք ինչ կլիներ, եթե այս իրավիճակում օրենսդիրն ու գործադիրն իրար դեմ դուրս գային. «Խորհրդարանական կառավարման դեպքում գրեթե բացառվում է գործադիրի ու օրենսդիրի միջև առճակատումը: Նախագահական շատ երկրների փորձը ցույց է տալիս, որ քաղաքական ճգնաժամերը լուծվում են ոչ խաղաղ ճանապարհով: Խորհրդարանական կառավարման երկրները հակված են ժողովրդավարական ճանապարհով լուծել ճգնաժամերը, ինչին ականատես եղանք ՀՀ-ում»:
