Օրերս լրատվամիջոցներում տեղեկություններ տարածվեցին, որ ՀՀ աշխատանքի և սոցիալական հարցերի նախարարության՝ Հաղթանակ թաղամասում գործող թիվ 1 տուն-ինտերնատում հաշվառված երկու բնակիչ ծառից պարանով կախվելու միջոցով ինքնասպան է եղել։
Radar Armenia-ն քննչական կոմիտեից տեղեկացավ, որ նրանցից մեկն ինքնասպանություն էր գործել հուլիս, մյուսը՝ հոկտեմբեր ամսին։
Մեր հարցմանը կոմիտեից պատասխանել են. «Երևան քաղաքի Մալաթիա-Սեբաստիա վարչական շրջանի Հաղթանակ 2 փողոցի թիվ հասցեում գործող «Երևանի թիվ 1 տուն-ինտերնատ» ՊՈԱԿ-ի նախկին երկու բնակիչների կողմից համապատասխանաբար 27.07.2022 թ.-ին և 24.10.2022 թ.-ին կատարված ինքնասպանությունների դեպքի առթիվ ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում, ՀՀ քրեական օրենսգրքի 162-րդ հոդվածի 1-ին մասով, նախաձեռնվել են քրեական վարույթներ, որոնց շրջանակներում կատարվում են անհրաժեշտ քննչական և այլ վարութային գործողություններ»։
Նշված քրեական վարույթով նախաքննությունը շարունակվում է։
