Սեպտեմբերի 1-ին ոստիկանությունից հայտնել են, որ ժամը 07.15-ին անձը չպարզված քաղաքացուց շտապօգնության ծառայությունում ստացված ահազանգի համաձայն` Երևանի Թումանյան 54 հասցեում գտնվող Ալ. Սպենդիարյանի անվան օպերայի և բալետի ազգային ակադեմիական թատրոնի շենքում ռումբ է տեղա¬դրված:
Դեպքի մասին տեղյակ են պահվել ՀՀ ԱԱԾ և ՊՆ օպերատիվ հերթապահները:
Դեպքի վայր են մեկնել երկու մարտական հաշ¬վարկ, հատուկ փրկարարական ջոկատը, հրդեհաշիջման կազմակերպման բաժնի և ճգնաժամային կառավարման կենտրոնի օպերատիվ խմբերը:
ՀՀ Ոստիկանության կինոլոգիական խմբի և ԱԱԾ աշխատակիցների կողմից իրականաց¬ված որոնողական աշխատանքների արդյունքում` ռումբ չի հայտնաբերվել: Այս մասին «Առաջին լրատվականին» հայտնեցին ԱԻՆ լրատվական ծառայությունից:
Ժամը 09.42-ին հայտարարվել է տագնապի ավարտ:
