Չինաստանի իշխանությունները Չինաստանի 5-րդ միջազգային ներմուծման ցուցահանդեսի բացման արարողության ժամանակ չեղարկել են Եվրախորհրդի ղեկավար Շառլ Միշելի տեսաուղերձը, որում նա քննադատում էր Ռուսաստանի գործողությունները Ուկրաինայում։ Այս մասին երեքշաբթի հայտնել է Reuters գործակալությունը՝ վկայակոչելով Եվրամիության երկրների դիվանագետներին։
Միշելը պատրաստվում էր կտրուկ խոսել Ուկրաինայում Ռուսաստանի գործողությունների մասին։ Նրանց խոսքով՝ Միշելը նախատեսում էր նաև կոչ անել Չինաստանին՝ օգնել լուծելու ուկրաինական հակամարտությունը։
Ինչպես հաղորդում է Reuters-ը՝ վկայակոչելով դիվանագետներին, Եվրոպական խորհրդի ղեկավարը պատրաստվում էր նաև կոչ անել նվազեցնել Չինաստանից առևտրային կախվածությունը։