Պակիստանի հարավ-արևմուտքում առնվազն 10 մարդ զոհվել է և 15 վիրավորվել ականապատ մեքենայի պայթյունի հետևանքով:
Ոստիկանության հաղորդագրության համաձայն՝ պայթյունը տեղի է ունեցել Քվետայում, որը Բելուջիստան նահանգի կենտրոնն է, տեղի մզկիթի մուտքի մոտ առավոտյան աղոթքի ավարտից անմիջապես հետո: Այս մասին հաղորդում է «Ազատություն» ռադիոկայանը:
Դեռևս ոչ ոք պատասխանատվությունն իր վրա չի վերցրել: Բելուջիստանում գործում են և՛ թալիբները, և՛ տեղական ապստամբական միավորումները, որոնք երկար ժամանակ է՝ պայքար են մղում պակիստանյան իշխանությունների դեմ:
Պայթյունները կրկնվում են գրեթե ամեն օր, իսկ իրավիճակը Պակիստանում մոտ է կրիտիկականին, երբ մի շարք շրջաններում իշխանությունները չեն վերահսկում իրավիճակը:
