Երկու օրվա ընթացքում ուկրաինական ուժերը խոցել են իրանական 11 «Շահեդ-136» անօդաչու թռչող սարքերից 9-ը, որոնք Ռուսաստանը զանգվածաբար օգտագործում է Ուկրաինայի դեմ։ Այդ մասին հայտնել Է Ուկրաինայի ԶՈՒ գլխավոր հրամանատար Վալերի Զալուժնին:
«Երկու օրվա ընթացքում զենիթահրթիռային դիվիզիոնի հաշվարկները ոչնչացրել են 11 «Շահեդ-136» աթս-երից 9-ը։ Դա մեր զենիթայինների որակյալ պատրաստության արդյունքն է, որն իրականացվում է լեհ գործընկերների կողմից։ Հենց Լեհաստանն է համալիրներ տրամադրել, որոնցից խորհրդային հրթիռներով ուկրաինացիները խփում են ռուսների արձակած իրանական դրոններին։ Դա այսօրվա պատերազմի իրողությունն է»,- գրել է նա իր տելեգրամ ալիքում։
Նախօրեին Ուկրաինայի նախագահ Վլադիմիր Զելենսկին հայտնել էր, որ, հետախուզության տվյալներով, Ռուսաստանը Իրանից 2400 դրոն է պատվիրել։
