Միլանում բացված «Ավտոմատ կառավարման միջազգային ֆեդերացիայի» կոնգրեսում ներկայացվել է միկրոսկոպիկ թռչող ճանճ-ռոբոտ` ըստ Լեոնարդո դա Վինչիի նախագծի: Այս մասին հայտնում է newsru.com-ը:
Ռոբոտի քաշը 60 միլիգրամ է, նրա թևերի երկարությունը 3սմ: Այն ստեղծել է ամերիկացի ինժեներ Դեվիդ Ռոբերտ Վուդը` հիմնվելով դա Վինչիի նախագծերի վրա:
Կոնգրեսի նախագահ Ալբերտո Իզիդորին հայտարարել է, որ տեխնոլոգիական նորարարությունն աշխատում է ուղղաթիռի ինժեներական սկզբունքով:
Ինչպես հայտնի է, Լեոնարդո դա Վինչին իր «Թռչունների թռիչքի մասին կոդեքս» գրքում մանրամասն ներկայացրել է իր նախագծերը և փորձ արել բացատրել թռչելու գաղտնիքը:
Ավտոմատ կառավարման միջազգային ֆեդերացիան հիմնվել է 1957 թվականին: