Եվրոպական կողմը ուզում է ցույց տալ, որ տարածաշրջանում ևս ներկա է: «Առաջին լրատվական»-ի հետ զրույցում նման տեսակետ հայտնեց պատմաբան Դավիթ Թինոյանը:
Թինոյանի խոսքով՝ ԵՄ համար գերառաջնային նշանակություն ունի վառելիքաէներգետիկ անվտանգության ապահովումը․ «ԵՄ-ն Գազային համաձայնագրով շահագրգիռ է, որ տարածաշրջանում խաղաղություն լինի: ԵՄ-ն փորձում է կասեցնել սպասվելիք էքսցեսները, որ կարող են լինել Ադրբեջանի ու Հայաստանի միջև»: Անդրադառնալով ՌԴ դեսպանատան բողքի նոտային, պատմաբանը նշեց, որ ՌԴ-ն սգո օրով նման նոտա արեց՝ ինչ-որ բանի համար հող նախապատրաստելով․ «Հայկական կողմը այն իրավիճակում չէ, որ կոշտ արձագանքի ՌԴ-ին: Հայաստանը պետք է դիվանագիտական պատասխան տա ՌԴ-ին, սրացումները այս փուլում մեզ ձեռնտու չեն: Ադրբեջանը չի էլ թաքցնում, որ Աղավնոյից, Բերձորից հետո հաջորդ քայլը Զանգեզուրի միջանցքն է լինելու: Հայաստանը պետք է վտանգը ռեալ գնահատի․ ռազմավարական դաշնակցի գործոնն էլ պետք է բացառենք»: