Չինաստանը հայտարարել է մինչև 2015 թվականը Կենտրոնական Ասիայի երկրներից գազի ներկրման ծավալների ավելացման ծրագրի մասին: Կենտրոնական Ասիա-Չինաստան գազատարի հզորությունը կհասցվի տարեկան մինչև 55-60 հազար խոր. մետր գազի: Այս մասին իր կորպորատիվ հրատարակության մեջ հայտնել չինական China National Petroleum Corporation (CNPC) պետական կազմակերպությունը: Փորձագետները ենթադրում են, որ այս հանգամանքը նշանակալիորեն կբարդացնի Газпром-ի վիճակը Չինաստանի ուղղությամբ,- գրում է «РБК daily»-ն:
Կենտրոնական Ասիայից գազի ներկրումը ՉԺՀ աճում է Газпром-ի հետաքրքրություններին սպառնացող տեմպերով: Այսպես՝ անցած տարի Թուրքմենստանը չինացիներին մատակարարել է 4 մլրդ խոր. մետր գազ Ղազախստանով և Ուզբեկստանով անցնող գազատարով: Այս տարի ցուցանիշը կհասնի 13 մլրդ խոր. մետրի, հաջորդ տարի պլանավորվում է մատակարարել 30 մլրդ խոր. մետր գազ:
2009 թվականին կառուցված գազատարի հզորությունը 40 մլրդ խոր. մետր էր, սակայն արդեն հիմա պլանավորվում է դրա ընդլայնումը: Այս տարի մատակարարման հետագա աճը ապահովելու համար CNPC-ի մասնաճյուղ Central Asia Gas Co ընկերությունը կսկսի երկու նոր խողովակաշարի ներդրում, որոնք շահագործման կհանձնվեն 2013 թվականին:
Կենտրոնական Ասիայի խողովակաշարի ընդլայնումը դեպի Արևելք տհաճ անակնկալ է Газпром-ի համար, որը նախորդ տարի դժվարությամբ է համաձայնեցրել ՉԺՀ գազի մատակարարման պայմանները, սակայն երկար ժամանակ չի կարողանում պայմանավորվել Պեկինի հետ գնի մասին:
Թուրքմենստանից գազի մատակարարման ծավալների աճը կարող է խանգարել Nabucco խողովակաշարի պլանի իրագործմանը, որը ուղղված է դեպի Եվրոպա,- նշում է «Ренессанс Капитал» նավթային սեկտորի վերլուծաբան Հեյդար Դավլետշինը: Nabucco-ի ծրագրային հզորությունը տարեկան 26-32 մլրդ խոր. մետր է, իսկ Թուրքմենստանը Իրանի՝ նախագծից հրաժարվելուց հետո կլինի հիմնական գազ մատակարարողը: