Ռուսական Коммерсантъ թերթի փոխանցմամբ՝ Աբխազիայի նորընտիր նախագահ Ալեքսանդր Անկվաբը հայտարարել է, որ շարունակելու է նախկին նախագահ Սերգեյ Բագափշի քաղաքական կուրսը՝ աշխարհին ի ցույց դնելով, որ Աբխազիայի անկախության ճանաչումը զուր չէ ։
Անկվաբի խոսքերով՝ շուտով կավարտվի Սուխումից դեպի ռուսական սահման ձգվող երկաթգծի վերանորոգումը. «Աբխազիան պատրաստ է բացել դեպի Հայաստան երկաթուղային տարանցումը, ինչը կարևոր է Ռուսաստանի համար։ Սակայն դա կախված չէ միայն Աբխազիայից»։
Հիշեցնենք, որ հուլիսի կեսերին Эхо Москвы ռադիոկայանին տված հարցազրույցի ժամանակ «Ազատ դեմոկրատներ» կուսակցության առաջնորդ Իրակլի Ալասանիան հայտարարել էր, որ աբխազական երկաթուղին կարող էր բացվել դեռևս 2005 թվականին։
Աբխազական երկաթուղու ընդհանուր երկարությունը Փսոու կայարանից (ռուս-աբխազական սահման) մինչև Ինգուր կայարան (վրաց-աբխազական սահման) կազմում է 221 կիլոմետր։