Քաղաքական ճգնաժամը քաղաքական լուծումներ է պահանջում է, որքան էլ որ օրենքը թույլ է տալիս մանդատազրկման հարցը լուծել: «Առաջին լրատվական»-ի հետ զրույցում նման տեսակետ հայտնեց «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը:
Սուրենյանցը նշում է՝ ԱԺ-ն սովորական հիմնարկ չէ կամ մանկապարտեզ ․ մանդատազրկումով ճգնաժամը չի լուծվի, ավելի կխորանա․ «Պետք է հասկանալ՝ իշխանությունը ինչ մտադրություն ունի: Իշխանությունը պետք է քաղաքական մեծահոգություն դրսևորի և խորհրդարանական ընդդիմությանը ներքաշի երկխոսության մեջ, որովհետև խորհրդարանական ընդդիմությունը ջախջախված է»:
Սուրենյանցը տպավորություն ունի, որ իշխանությունը վերջնական որոշում չունի․ «Իշխանությունը ճնշում է գործադրում,որ վերադառնան խորհրդարան Իշխանության ցանկացած նման նախաձեռնություն ճաքեր է առաջացնում ընդդիմության ներսում․ «Իշխանության հաշվարկն է՝ ընդդիմության ներսում ճաքեր առաջացնել:Մտավախություն ունեմ՝ դիմադրության բեմականացման հետևում կանգնած արտաքին ուժերին պետք լինի արտահերթ ընտրություններ»:
