Մեքսիկայի նախագահ Ֆելիպե Կալդերոնը Մոնտերեյ քաղաքի խաղատներից մեկն այրած հանցագործներին հաձնելու համար առաջարկել է 2.4 միլիոն դոլար պարգևատրություն: Երկրի նախագահը հանցագործներին անվանել է «ահաբեկիչներ, ովքեր բոլոր սահմաններն անցել են»:
Ինչպես հայտնում է BBC-ն` զոհերի թիվը հասել է 60-ի:
Հիշեցնենք, որ Մեքսիկայի Մոնտերեյ քաղաքի խաղատներից մեկում հրդեհը բռնկվել էր այն բանից հետո, երբ մոտ 2 տասնյակ զինված գրոհայիններ հինգշաբթի մտել են խաղատան տարածք, վառելիք լցրել և այրել շենքը:
Ենթադրվում է, որ խաղատունն այրել են տեղի նարկոմաֆիայի ներկայացուցիչներն այն բանից հետո, երբ խաղատան սեփականատերը հրաժարվել է գումար վճարել նրանց: The Wall Street Journal-ը նշում է, որ մինչև վերջին պահը Մոնտերեյը համարվում էր Մեքսիկայի ամենաանվտանգ նահանգներից մեկը, սակայն անցած տարի այստեղ երկու խմբավորումների միջև պայքար է սկսվել, ինչի հետևանքով այս տարվա սկզբից այստեղ արդեն զոհվել է մոտ հազար մարդ:
