Աշխարհագրագետ, քարտեզագետ-քարտեզաբան, ԳԱԱ պատվավոր դոկտոր, Մեծ Բրիտանիայում Հայաստանի առաջին հյուպատոս Ռուբեն Գալեչյանը պնդում է՝ 1926-ի քարտեզներում որևէ անկլավ չկա․ «Երբ Ադրբեջանը գրեց իր սահմանադրությունը՝ ասվում է՝ մենք ժառանգն ենք 1918-20 թվականի Ադրբեջանի անկախությանը, ոչ խորհրդային պետությանը: 1916-ի քարտեզներում որևէ անկլավ գոյություն չունի, այդ հարցը Ադրբեջանի սահմանադրությամբ վերջացած է: Նախիջևանը Ստալինն է տվել Ադրբեջանին 1921-ին: Եթե Ադրբեջանը Խորհրդային միության սահմանները չի ընդունում, այդ տարածքները պետք է վերադարձնել Հայաստանին: Նախիջևանը, Ղարաբաղի և այլ տարածքներ Խորհրդային միությունն է տվել Ադրբեջանին»:
Քարտեզագետի խոսքով՝ մեզ ձեռնտու է 1926-ի քարտեզները․ «Պետք է իրավաբանորեն փաստել, որ այս տարածքները ապօրինի են անցել Ադրբեջանին: Ալ լճերը պետք է անպայման մեզ վերադարձվի, և մի շարք անկլավներ: Մի կարևոր խնդիր կա, Հայաստանում գտնվող ադրբեջանական անկլավները նստած են հայկական մայրուղիների վրա: Եթե Տիգրանաշենը տրվի Ադրբեջանին, Երևանից մինչև Արենի, Արցախ, Գորիս, Մեղրի, Պարսկաստան բեռնատարների շարժը կկանգնի: Մինչև Ադրբեջանը հետ չքաշվի Խորհրդային վերջին սահմաններից, սահմանազատում ու սահմանագծում չենք կարող անել: Մինչև սահմանագծումը, Ռուսաստանը պետք է հորդորի Ադրբեջանին վերադառնալ խորհրդային սահմաններին»:
