21-րդ դարում Մեծ Բրիտանիայում ամենաշատ վաճառված ալբոմը ճանաչվել է Էմի Ուայնհաուսի Back to Black-ը` տեղեկացնում է BBC News-ը:
Ofiicial Charts Company-ի տվյալներով, ներկա պահին ալբոմը, որը լույս է տեսել 2006 թ.-ին, գնել է 3.26 միլիոն մարդ: Դրանով Էմի Ուայնհաուսն առաջ է անցել Ջեյմս Բլանտի Back to Bedlam ալբոմի վաճառքի չափերից, որը, լույս տեսնելով 2005 թ.-ին, վաճառվել էր 3.25 միլիոն օրինակով: Մեծ Բրիտանիայում ամենաշատ վաճառված ալբոմների եռյակը փակում է Դայդոյի No Angel-ը` 3.07 միլիոն օրինակ վաճառքով:
Back to Black-ը Էմի Ուայնհաուսի ամենահայտնի ալբոմն է, որի համար երգչուհին 2008 թ.-ին 5 Գրեմմի մրցանակ է ստացել: Ալբոմի վաճառքի չափերը կտրուկ աճել են 2011 թ.-ի հուլիսի 23-ից հետո, երբ երգչուհուն հայտնաբերել էին մահացած:
