Նեպալում ինքնաթիռի կործանման վայրում երկուշաբթի օրը գտել են 14 ուղեւորների մարմինները. դրանք դատաբժշկական փորձաքննության կուղարկեն երկրի մայրաքաղաք Կատմանդու: Այդ մասին, հաղորդում են հնդկական ԶԼՄ-ները:
Ավելի վաղ Նեպալի զինծառայողները հաղորդել են, որ լեռներում հայտնաբերել են ինքնաթիռի կործանման վայրը, որը մայիսի 29-ին օդ Է բարձրացել Փոխարա տուրիստական քաղաքից եւ ուղեւորվել Ջոմսոմ: Ինքնաթիռում գտնվում Էր Նեպալի 16, Հնդկաստանի չորս եւ Գերմանիայի երկու քաղաքացի:
«Որոնողա-փրկարարարան ստորաբաժանումները հայտնաբերել են ինքնաթիռի կործանման վայրը»,- բանակի ներկայացուցիչ Նարայան Սիլվալը հաղորդել Է Twitter-ում՝ հրապարակելով բեկորների լուսանկարները, որտեղ հստակ երեւում են ինքնաթիռի համարը եւ լեռան լանջին ցրված մասերը:
Twin Otter (համարը 9N-AET) ոչ մեծ տուրբինապտուտակավոր ինքնաթիռը պատկանում Էր Tara Air մասնավոր ավիաընկերությանը: Դրա հետ կապը կորել Է թռիչքից 20 րոպե անց, հաղորդել Է «Ինտերֆաքս»-ը:
