Monday, 27 06 2022
18:42
G7-ը ծրագրում է 600 մլրդ դոլար ներդնել զարգացող երկրներում
Էջմիածին-Երևան ճանապարհին ավտոմեքենան բախվել է լիցքավորման վահանակին
18:33
Բեռլինում տեղի է ունենում էկոակտիվիստների ցույց G7-ի գագաթնաժողովի կապակցությամբ. DPA
«Ալաշկերտը» երկու նորեկ ունի Կոլումբիայից
Թուրքիայում հայտարարել են հացահատիկի հարցով զբաղվող օպերացիոն կենտրոն ստեղծելու մասին
Թուրքիան արգելել չէր կարող, առաջին թռիչքն էր՝ գուցե տեխնիկական խնդիրներ են եղել
Մոսկովյան բորսան սկսել է առևտուրը հայկական դրամով
Հունիսի 26-ին Հայաստանում ծնունդների թիվը
Ռուսաստանում Windows-ի չլիցենզավոչված տարբերակի պահանջարկն աճել է 2,5 անգամ
18:09
Աշխարհի առաջատար ֆոնդային բորսաների ցուցանիշները – Հունիսի 27, 2022
18:06
Եվրոպայում եւ Ասիայում ածխի գները հասել են ռեկորդային մակարդակների. Bloomberg
Լավրովից հետո Անկարան զգուշացնում է Բաքվին
Թուրքիան ցանկացած պահի կարող է սկսել Սիրիայի տարածքում ծրագրված նոր ռազմական գործողությունը
17:40
Ուկրաինացի միլիարդատեր Ռինատ Ախմետովը Ռուսաստանի դեմ հայց է ներկայացրել ՄԻԵԴ
Թուրքիայի, Ադրբեջանի և Ղազախստանի նախարարների առաջին եռակողմ հանդիպումից հետո Չավուշօղլուն հանդես է եկել մեկնաբանությամբ
17:20
«Ցանկանում ենք, որ պատերազմն ավարտվի մինչև ձմեռ». Զելենսկի
17:12
Զելենսկին G7-ի ղեկավարներին հայտարարել Է, որ «այժմ ժամանակը չԷ բանակցությունների համար»
Թուրքիայի, Ադրբեջանի և Վրաստանի զինվորականները Թուրքիայում քննարկել են համատեղ զորավարժությունների հետ կապված հարցեր
17:11
Ստոլտենբերգը խոստացել Է զգալիորեն ուժեղացնել բալթյան երկրների պաշտպանությունը
Երբ կբացվի Ռուսաստանի հետ Վրաստանի սահման տանող ճանապարհը
«Կարմիր խաչի» ներկայացուցիչները տեսակցել են Ադրբեջանում պահվող հայ գերիներին
«Վրաստանում այժմ երկնիշ տնտեսական աճ է». Ղարիբաշվիլի
17:03
Եղանակը Հայաստանում – Հունիսի 28, 2022
17:00
Մոլդովայի նախագահը չհայտարարված այցով ժամանել է Կիև
ՀՀ վարչապետի տիկին Աննա Հակոբյանը այցելել է Ալպ-Մարիտիմի Դեպարտամենտական խորհուրդ
ՀՀ ԶՈՒ ավիացիան 30 տարեկան է. Սուրեն Պապիկյանը ներկա է գտնվել հոբելյանի առթիվ անցկացված հանդիսավոր միջոցառմանը
Արցախի գրավյալ տարածքներում Ադրբեջանը շինարարական աշխատանքներ է իրականացնում
Կաթողիկոսն ընդունել է Սիրիայի նորանշանակ դեսպանին
Հայաստանի ազգային հավաքականի պաշտպանը՝ «Արարատում»
Գույքի քաղաքացիաիրավական բռնագանձումը չի հակասում միջազգային ստանդարտներին. Լիզա Գրիգորյան

ՀՀ վարչապետն ու Իտալիա-Հայաստան բարեկամական խմբի անդամները մտքեր են փոխանակել Ադրբեջանում պահվող հայ ռազմագերիների վերադարձի շուրջ

Հայաստանի Հանրապետության վարչապետ Նիկոլ Փաշինյանն ընդունել է Իտալիա-Հայաստան բարեկամական խմբի ներկայացուցիչներին՝ Պատգամավորների պալատի անդամներ Ջուլիո Չենտեմերոյին, Անդրեա Կասուին և Ալվիսե Մանիերոյին, Սենատի անդամ Ալբերտո Աիրոլային:

Ինչպես հայտնում են ՀՀ կառավարությունից, վարչապետն ընդգծել է հայ-իտալական բարեկամական հարաբերությունների կարևորությունը և ջերմությամբ հիշել իր՝ Իտալիա կատարած այցը, որի ընթացքում վերահաստատվեց Իտալիայի աջակցությունը ՀՀ ժողովրդավարությանը:

Նիկոլ Փաշինյանը բարձր է գնահատել բարեկամական խմբերի գործունեությունը և միջխորհրդարանական գործակցությունը, որոնք լրացնում են երկու երկրների կառավարությունների ջանքերը: Վարչապետը երախտագիտություն է հայտնել 2019թ. ապրիլին Իտալիայի խորհրդարանի Պատգամավորների պալատի կողմից Հայոց ցեղասպանությունը ճանաչող բանաձևի ընդունման համար:

Իտալիա-Հայաստան բարեկամական խմբի ղեկավար Ջուլիո Չենտեմերոն նշել է, որ Իտալիայում ևս ջերմությամբ են հիշում վարչապետ Փաշինյանի այցը և դրա շրջանակում կայացած միջոցառումները: Ընդգծելով խորհրդարանական դիվանագիտության դերը և ներկայացնելով պատվիրակության անդամներին՝ նա նշել է, որ դրանում ընդգրկված են թե՛ իշխող, թե՛ ընդդիմադիր պատգամավորներ, ինչը ցույց է տալիս ամբողջ Իտալիայի ժողովրդի գնահատանքը հայ ժողովրդին:

Ջուլիո Չենտեմերոն կիսվել է մեր երկրում ունեցած հանդիպումների արդյունքներով, խոսել տեխնոլոգիական ոլորտում ՀՀ հաջողությունների, «Թումո» ստեղծարար տեխնոլոգիաների կենտրոնի մասին և նշել, որ Իտալիայի համար հետաքրքրական է ՏՏ ոլորտի զարգացման հայկական մոդելը:

Վարչապետը նշել է, որ ՏՏ-ն Հայաստանում դինամիկ զարգացող բնագավառներից է, և ընդհանրապես կրթությունը մեր զարգացման ռազմավարական ուղղություններից է, ինչից ելնելով՝ կառավարությունը խորքային բարեփոխումներ է նախաձեռնել կրթության, գիտության ոլորտում: Նիկոլ Փաշինյանը մանրամասներ է ներկայացրել ռեֆորմի վերաբերյալ և առաջարկել փոխանակվել փորձով, տեղեկատվությամբ:

Հանդիպմանն անդրադարձ է եղել տարածաշրջանում խաղաղության ապահովման և Լեռնային Ղարաբաղի հակամարտության կարգավորման հարցերին: Մտքեր են փոխանակվել հետպատերազմական իրավիճակի, Ադրբեջանում պահվող հայ ռազմագերիների վերադարձի, Արցախում հայկական հոգևոր-մշակութային ժառանգության պահպանման շուրջ: Վարչապետը կարևորել է Իտալիայի խորհրդարանի կողմից 2022թ. մարտին հայ ռազմագերիների վերադարձի անհրաժեշտությունն ամրագրող բանաձևի ընդունումը և 2020թ. Ադրբեջանի սանձազերծած պատերազմի ժամանակ Իտալիայի խորհրդարանականների կողմից արված հայտարարությունները:

Նիկոլ Փաշինյանն ընդգծել է՝ ԼՂ հակամարտությունը պետք է կարգավորվի ԵԱՀԿ Մինսկի խմբի համանախագահության առաջարկած սկզբունքների հիման վրա, և Հայաստանը տարածաշրջանային խաղաղության օրակարգի կողմնակից է, ինչը, սակայն, չի կարող միակողմանի լինել: Հայաստանի վարչապետը կարևորել է եվրոպական գործընկերների, այդ թվում՝ Իտալիայի օժանդակությունն այս գործընթացին և սադրանքների դատապարտումը նրանց կողմից: Վարչապետը նաև անդրադարձել է Հայաստան-Թուրքիա երկխոսության գործընթացին:

Իտալիա-Հայաստան բարեկամական խմբի պատգամավորներն իրենց աջակցությունն են հայտնել Հայաստանին և հայ ժողովրդին՝ դժվարին մարտահրավերների հաղթահարման և ժողովրդավարության հզորացման գործում: Նրանք նշել են, որ հաստատակամորեն կշարունակեն իրենց գործունեությունը ոչ միայն Իտալիա-Հայաստան, այլ նաև Եվրամիություն-Հայաստան կապերի սերտացման ուղղությամբ և կլինեն բարեկամ հայ ժողովրդի կողքին:

Բաժիններ
Ուղիղ
Լրահոս
Որոնում