Չինաստանի փոխվարչապետ Լի Կեքիանգը երեկ հայտարարել է, որ ցանկանում է ավելի սերտ հարաբերություններ հաստատել Չինաստանի և Հայաստանի միջև և զարկ տալ երկկողմ հարաբերություններին: Այս մասին նա հայտարարել է Պեկինում՝ հանդիպելով Հայաստանի փոխվարչապետ Արմեն Գևորգյանի հետ: Այս մասին գրում է Xinhua լրատվական գործակալությունը: Լին շեշտել է, որ անհրաժեշտ է կյանքի կոչել նախկինում մշակված և համաձայնեցված ծրագրերը:
«Մենք պատրաստ ենք Հայաստանի հետ միասին ջանքեր գործադրել՝ բարձրացնելով մեր հարաբերությունները նոր մակարդակի: Հատկապես, որ մյուս տարի նշվելու է երկկողմ հարաբերությունների հաստատման 230-ամյակը»,- ասել է Լին:
Արմեն Գևորգյանն իր հերթին ասել է, որ Հայաստանը բարձր է գնահատում իր հարաբերությունները Չինաստանի հետ, և հույս է հայտնել, որ երկկողմ հարաբերությունները կամրապնդվեն տեղական իշխանությունների միջև համագործակցության շնորհիվ:
Նշվում է, որ Գևորգյանը հրավիրվել էր Չինաստան` մասնակցելու Համաշխարհային ուսանողական օլիմպիադայի փակման արարողությանը, որը տեղի է ունեցել Գուանդոնգ նահանգի Շենժեն քաղաքում:
