Առաջատար տեխնոլոգիաների ձեռնարկությունների միության 21-րդ համագումարին ամփոփվեցին Միության ռազմավարական ուղղություններով կատարված աշխատանքների արդյունքները: ԱՏՁՄ գործադիր տնօրեն Հայկ Չոբանյանը համագումարի մասնակիցներին ու հյուրերին ներկայացրեց Միության ռազմավարական զեկույցը։
ԲՏԱ նախարար Ռոբերտ Խաչատրյանը կարևորեց ԱՏՁՄ գործունեությունը, որն ընդհանուր գաղափարի ու նպատակների շուրջ է համախմբում ոլորտի խոշոր կազմակերպություններին՝ նպաստելով առաջատար տեխնոլոգիաների զարգացմանը։ Նրա խոսքով՝ յուրաքանչյուր տարի ԱՏՁՄ համաժողովի շրջանակներում ամփոփվում է կատարվածն ու նախանշվում անելիքները, որոնք տարեցտարի համալրվում են նոր գաղափարներով, նորարական լուծումներով ու նախագծերով։
«ՀՀ կառավարությունը բարձր տեխնոլոգիաների ոլորտը համարում է տնտեսության զարգացման առաջնահերթություններից։ Նորագույն տեխնոլոգիական լուծումների կիրառումը տնտեսության բոլոր ուղղություններում այսօր արդեն կենսական պահանջ է, առաջատար տեխնոլոգիաների զարգացումը՝ ազգային և պետական անվտանգության խնդիր։ ԱՏՁՄ-ն որոշիչ քայլեր է կատարում ոլորտի նպատակային զարգացման ու առաջընթացի ուղղությամբ։ Այս առումով ԱՏՁՄ-ի առաքելությունն ու դերն առանձնահատուկ է. Հայաստանում գործող տեղեկատվական և բարձր տեխնոլոգիական ընկերությունները, միջազգային կորպորացիաները, կազմակերպություններն ու հաստատությունները համախմբված են մեկ հարթակի շուրջ, ինչը հնարավորություն է տալիս՝ միավորելով ուժերը, ավելի համակարգված և թիրախավորված աշխատել»,- նշեց Խաչատրյանը:
Աշխատանքային խմբերի ղեկավարները ամփոփեցին Միության ռազմավարական ուղղություններով կատարված աշխատանքների արդյունքները (կրթություն և աշխատուժ, ռազմարդյունաբերություն, դիրքավորում` որպես առաջատար տեխնոլոգիական երկիր, գիտահեն ոլորտ/գիտահետազոտություն, էլեկտրոնային կառավարում):
«ԱՏՁՄ-ն 2012 թվականից ի վեր իրականացնում է տեխնոլոգիական կրթության խոշորագույն՝ «Արմաթ» ազգային ծրագիրը: Այն պետություն-մասնավոր համագործակցության լավագույն օրինակներից է և ընդգրկում է 627 ինժեներական լաբորատորիաներ` շուրջ 16.000 աշակերտներով։ Միության այս տարվա ռազմավարական ծրագրերից է նաև Հայաստանի համապարփակ պաշտպանության և անվտանգության համակարգի ներդրումը»,- նշեց ԱՏՁՄ գործադիր տնօրենը։
Համագումարի ավարտին ԱՏՁՄ անդամ կազմակերպությունների ղեկավարների քվեարկությամբ ընտրվեցին վարչության նոր անդամներն ու նախագահը:
ԱՏՁՄ-ն Հայաստանի ամենամեծ տեխնոլոգիական միությունն է, որն այս պահին միավորում է շուրջ 120 առաջատար տեխնոլոգիաների ոլորտի ընկերություններ։ Միությունն իրականացնում Է ոլորտի | կազմակերպությունների շահերի պաշտպանությանն ուղղված գործունեություն, տարեկան անցկաց է կացնում տասնյակից ավել ոլորտային նախագծեր, այդ թվում տարածաշրջանի խոշորագույն «ԴիջիԹեք» տեխնոլոգիական ցուցահանդեսն ու համաժողովը։
