Google-ի գլխավոր էջում այսօր հայտվել էր հերթական «Դուդլը»` նվիրված գրող Խորխե Լուիս Բորխեսի ծննդյան օրվան: Արգենտինացի գրողը ծնվել է 112 տարի առաջ` 1899 թվականի օգոստոսի 24-ին: Google-ի գլխավոր էջում, որտեղ “Google” բառը շատ դժվարությամբ է կարդացվում, ներկայացված է գրողի ստեղծագործություններից մեկում պատկերվող այն դրվագը, երբ հերոսը նայում է իր իսկ կողմից պատկերացվող ֆանտաստիկ աշխարհին: Պատկերում, որն այօր ամբողջ օրն ուղեկցել է Google-ի հաճախորդներին, երևում է գրադարան, աստիճաններ և լաբիրինթոս:
Բորխեսն իր ստեղծագործություններում ներկայացնում էր իրական աշխարը` միաձուլված երևակայության հետ: Գրողը համարվում է 20-րդ դարում առաջ եկած գրական նոր ժանրի` “Մոգական ռեալիզմ”-ի հիմնադիրներից մեկը:
Շատերը Բորխեսին Գրականության Նոբելյան մրցանակի արժանի հավակնորդ էին տեսնում, սակայն նա մրցանակն այդպես էլ չստացավ: Այս հարցի շուրջ հետաքրքիր է նրա խոսքը. «Ինձ Նոբելյան մրցանակ չտալը վերածվել է սկանդինավյան ավանդույթի.ինչ ես ծնվել եմ նրանք ինձ մրցանակ չեն տալիս»:
