Չի կարելի պնդել, թե ընդդիմադիրները քիչ աջակիցներ ունեն, բայց արդյոք նրանք կազմում են այն թիվը, որի ուսերին նստած կմտնեն կառավարության շենք։ Մայիսի 7-9-ը Հայաստանում ազատ, հանգստյան օրեր են ու կարելի ենթադրել, որ բազմաթիվ մարդիկ հենց այդ ընթացքում են գալու լսելու, թե ինչ են ուզում ընդդիմադիրները։ Հոգեբանական խնդիր ևս կա․ Մայիսի 8-9-ը անկասկած շահարկվելու է, քանի որ կորսված հաղթանակի խորհրդանիշ տոներն են։ Երթեր դեպի Եռաբլուր, արժանապատվության վերականգնման պահանջ․ սրանք կլինեն այդ օրերի լոզունգները, որոնք խոր ազդեցություն կարող են թողնել։ Բայց, չդառնալով ընդդիմադիրների քաղաքական տեխնոլոգը, փորձեմ զրուցակցիս հետ պարզել, թե ինչ գործողություններով պայքարողները կարող են ապահովել ձնագնդի էֆեկտը։ Ինչ է կատարվում Հայաստանում, «Առաջին լրատվական»-ը քննարկել է քաղաքագետ, «Շրջադարձ հանուն զարգացման» ՀԿ նախագահ Էդվարդ Անտինյանի և Ղարաբաղ կոմիտեի հիմնադիր անդամ, «Պաշտպան հայրենյաց ազգային մշակութային հիմնադրամի» նախագահ Գագիկ Սաֆարյանի հետ:
Սաֆարյանի բնորոշմամբ` ընդդիմությունը, որը տառապում է արբեցատենդով, միջոցների առջև ոչ մի խտրականություն չի դնում:
Անտինյանի խոսքով էլ` ընդդիմության ցանկացած գնով իշխանության տապալումը` ահաբեկչությունն է. կդառնանք Տանզանիա:
