Նիկոլ Փաշինյանը կառավարության այսօրվա նիստում ընդդիմությանը կրկին մեղադրեց Արցախի հարցով իր հետ քննարկումները մերժելու համար:
Ըստ Փաշինյանի՝ ընդդիմությունը սա անում է, որպեսզի «այլազան դավադրությունների մասին լեգենդներ ստեղծեն» և շարունակեն իրեն մեղադրել Արցախի հանձնելու մեջ:
«Արցախը իր չէ, առարկա չէ, որ հանձնես կամ չհանձնես։ Եթե մենք Արցախը հանձնող լինեինք 44–օրյա պատերազմից հետո տասնյակ–միլիարդավոր դրամներ չէինք ծախսի, որ ապահովենք արցախցիների վերադարձն իրենց տներ։ Արցախը հանձնողն, ընդհակառակը, պատերազմի հետո պարզապես ոչինչ չէր ձեռնարկի և Արցախի հանձնումն, ըստ էության, իրականություն դարձած կլիներ։ Մենք, հակառակը, աննախադեպ ծավալի ներդրումներ ենք իրականցնում Արցախում, որովհետև Արցախը պահել նշանակում է արցախցուն պահել Արցախում, Հայաստանը պահել նշանակում է հայաստանցուն պահել Հայաստանում և մի բան էլ հեռացածներին վերադարձնել, իսկ դա առանց խաղաղության հնարավոր չէ»,–ասաց Փաշինյանը։
