ԱՄՆ-ի Էներգետիկայի նախարարությունը հայտարարել Է Նավթի ռազմավարական պահուստներից (SPR)եւս 30 միլիոն բարել նավթ վաճառելու պարտավորագրեր հատկացնելու մասին, հաղորդել Է գերատեսչությունը:
Ավելի վաղ հաղորդվել Էր, որ Էներգետիկայի նախարարությունը մայիսին 20 միլիոն բարել նավթ վաճառելու պարտավորագրեր Է հատկացրել: Նոր համաձայնագրերի կնքումը նշանակում Է, որ մայիսին եւ հունիսին մատակարարելու Է 50 միլիոն բարել:
Վառելիքը բեռնառաքել են հետեւյալ 12 ընկերություններին. Atlantic Trading & Marketing, Inc.-ին (2,1 մլն բարել), Chevron USA-ին (1,025 միլիոն բարել), Equinor Marketing & Trading-ին (0,7 մլն բարել), ExxonMobil Oil Corporation-ին (3,6 մլն բարել), Glencore Ltd.-ին (2,6 մլն բարել), Marathon Petroleum Supply and Trading LLC-ին (2,375 մլն բարել), Մերկուրիային (0,5 մլն բարել), Motiva Enterprises-ին (4,05 մլն բարել), Phillips 66-ին (2,5 մլն բարել), Shell Trading-ին (ԱՄՆ) (2,75 մլն բարել), Unipec America, Inc.-ին (0,95 մլն բարել), Valero Marketing and Supply Company-ին (6,85 մլն բարել):
ԱՄՆ-ը պլանավորում Է 180 մլն բարել նավթ վաճառել SPR-ից, որպեսզի պայքարի վառելիքի բարձր գների դեմ, մայիսից մինչեւ հուլիս պլանավորվում Է դուրս հանել 90 մլն բարել: Մնացած 90 մլն բարելը՝ օգոստոսից մինչեւ հոկտեմբեր ընկած ժամանակաշրջանում, հաղորդել Է «Ինտերֆաքս»-ը:
