Gallup Institute-ը (Gallup Media) հետազոտություն է անցկացրել 4 համաշխարհային տերությունների առաջնորդների պոպուլյարության արդյունավետության վերաբերյալ, թե ինչպես է աշխարհը վերաբերվում ԱՄՆ-ին, Չինաստանին, Ռուսաստանին և Գերմանիային: Վարկանիշն ընդգրկում է մինչև այս տարվա փետրվարի 24-ն ընկած ժամանակահատվածը, երբ Ռուսաստանը ներխուժեց Ուկրաինա։ Հարցումն անցկացվել է 116 երկրների և տարածաշրջանների հարցվածների շրջանում 2021 թվականի ընթացքում։ Հեռախոսային և առերես հարցումներին մասնակցել են 15 տարեկանից բարձր անձինք։ Վարկանիշը հիմնված է ազգային մակարդակի ներկայացուցչական նմուշների վրա:
Ուկրաինայում պատերազմի սկսվելուց առաջ Գերմանիան և ԱՄՆ-ն ունեին աշխարհում ամենաշատ «փափուկ ուժը» և շատ ավելին, քան երբևէ։ Երկու երկրներն էլ ավելի ուժեղ դիրքերում էին, քան Ռուսաստանը կամ Չինաստանը։ ԱՄՆ-ն և Գերմանիան լավ հնարավորությունների ունեին ՆԱՏՕ-ի և մնացած աշխարհի համախմբման համար Ուկրաինա Ռուսաստանի ներխուժումից առաջ: Հինգ տարի շարունակ Գերմանիան առաջնորդության վարկանիշում ամենապոպուլյար երկիրն էր աշխարհում։ Խոսքը կանցլեր Անգելա Մերկելի կառավարման ժամանակաշրջանի մասին է։ Հարցված 116 երկրների բնակիչների շրջանում 2020 թվականին Գերմանիայի ղեկավարության և նրա գործողությունների նկատմամբ վստահության վարկանիշը 52 տոկոս էր կազմել, 2021 թվականին՝ 50 տոկոս։
Եվրոպական երկրների բնակիչների շրջանում հարցվածների 60 տոկոսը հավանություն է տվել Գերմանիայի ղեկավարության քաղաքականությանը։ Համեմատության համար՝ հարցված եվրոպացիների 40 տոկոսը հավանություն է տվել ԱՄՆ վարչակազմի գործողություններին, 22 տոկոստ՝ Ռուսաստանին, իսկ 18 տոկոսը՝ Չինաստանին։
ԱՄՆ-ն, ըստ Gallup-ի, զբաղեցնում է երկրորդ տեղը։