Երկար ընդմիջումից հետո Սուրբ Հարության տոնին հավատացյալների համար Հայ Առաքելական Սուրբ Եկեղեցու Արցախի Թեմը ուխտագնացություն կկազմակերպի դեպի Դադիվանք։ Այս մասին հայտնել է Արցախի թեմի քահանա Տեր Ներսես Ասրյանը։
Մասնակցել ցանկացողները հնարավորինս արագ պետք է գրանցվեն Ստեփանակերտի երկու եկեղեցիներից որևէ մեկի մոմավաճառների մոտ:
Նշենք, որ հայ ուխտավորները մայիսից չեն կարողանում մտնել Դադիվանք։ Մինչ այդ նրանք խմբերով, ռուս խաղաղապահների ուղեկցությամբ այցելում էին Դադիվանք, բայց հետզհետե ադրբեջանցիները դժվարեցրեցին հայ ուխտավորների մուտքը Դադիվանք։
