Ռազմարդյունաբերության ոլորտում ԲՏԱ-ՊՆ-ԳՇ սինխրոն գործակցություն է պետք, բայց կոնսենսուս չկա: Այս մասին «Առաջին լրատվական»-ի հետ զրույցում նշեց Տեղեկատվական և հաղորդակցության տեխնոլոգիաների գործատուների միության (ՏՀՏԳՄ) գործադիր տնօրեն, տեխնիկական գիտությունների թեկնածու Էդուարդ Մուսայելյանը:
Առաջատար տեխնոլոգիաների ձեռնարկությունների միության գործադիր տնօրեն Հայկ Չոբանյանն էլ նշեց, որ Ռազմարդյունաբերական ձեռնարկությունների մեծ մասը ոլորտը զարգացրել են իրենց տները վաճառելով, որ ոլորտը չմեռնի․«Ռազմարդյունաբերության ոլորտում չկա հստակ մարտավարություն․ մսխում է տեղի ունեցել: Հայաստանում ռազմաարդյունաբերության ոլորտը ոչնչացվել է․ ամենամեծ հարվածը էլէներգիայի անջատումն էր»: