ՄԱՀՀԻ նախագահ Ստյոպա Սաֆարյանի կանխատեսմամբ՝ ռիսկեր կային, որ Ադրբեջանը ռազմական ներխուժում իրականացնի:
Նշենք, որ Ադրբեջանի զինված ուժերն այսօր ժամը 16:00-ի սահմաններում, Ասկերանի շրջանի Փառուխ գյուղի ուղղությամբ խախտել են շփման գիծը:
Անդրադառնալով ՌԴ ԱԳՆ խոսնակ Մարիա Զախարովայի այսօր արած հայտարարությանը, թե կողմերը չպետք է սրեն առանց այն էլ լարված իրավիճակը Լեռնային Ղարաբաղում, Սաֆարյանն ասաց․ «Զախարովան շատ վատ կոչ է անում: ՌԴ-ումշատ լավ գիտեն Ասկերանի շրջանի գյուղերը գտնվում են ռուս խաղաղապահների վերահսկողության տակ: Եթե Զախարովան անհասցե կոչ է անում, միգուցե գործ ունենք գործարքի հետ»:
Սաֆարյանն իր վրդովմունքն հայտնեց, հիշեցնելով, որ Վիտալի Բալասանյանի ստեղծած ուժն էր, որ ուկրաինական կոնֆլիկտը մտցրեց արցախյան օրակարգ: Ինչ տվեց դա Արցախին, բացի Ադրբեջանին զայրացնելուց․ «Արցախի պաշտոնյաները պետք է հասկանան, թե ում են մեղադրում․ խնդրի լուծողը ռուս խաղաղապահն է: Արցախի սխալ դիրքավորումը հանգեցրեց Ադրբեջանի զայրույթին․ ռիսկի գնալուց ինչու հաշվարկներ չեն արվում»: