Թուրքիան շարունակում է դիվանագիտական ջանքերը Ռուսաստանի ու Ուկրաինայի միջև խաղաղության հաստատումն ապահովելու համար: Այդ մասին հայտնել է Թուրքիայի արտգործնախարար Մևլութ Չավուշօղլուն՝ ասելով, որ Ուկրաինայի և Ռուսաստանի պաշտոնյանների հնարավոր այլ հանդիպումները կարող են անցկացվել Թուրքիայում:
Այս մասին հայտնում է Ermenihaber.am-ը:
Ըստ Չավուշօղլուի՝ երկու երկրների դիրքորոշումները որոշ հարցերում մոտեցել են: Կղմերը համաձայնության են հասել մասնավորապես 4 կետերի շուրջ, սակայն որոշ հարցեր դեռ պետք է լուծվեն նախագահների մակարդակով:
Հիշեցնենք, որ Ռուսաստանի նախագահ Վլադիմիր Պուտինը նշել էր այն պայմանները, որոնց դեպքում հնարավոր է Ուկրաինայում իրավիճակի շուտափույթ կարգավորում.
1. անվտանգության ոլորտում Ռուսաստանի օրինական շահերն անվերապահ հաշվի առնելու դեպքում,
2. Ղրիմի նկատմամբ ռուսական ինքնիշխանության ճանաչում,
3. Ուկրաինայի ապազգայնացում,
4. Ուկրաինայի ապառազմականացում և չեզոք կարգավիճակի ապահովում:
