Ուկրաինացի զինվորականների տվյալներով՝ Խարկովի մոտ տեղի ունեցած մարտերում սպանվել է ռուս բարձրաստիճան զինվորական։ Ուկրաինայի պաշտպանության նախարարության հետախուզության գլխավոր վարչության տվյալներով՝ մահացածը գեներալ-մայոր Վիտալի Գերասիմովն է, տեղեկացնում է BBC-ն։
Ռուսական կողմը չի մեկնաբանել ուկրաինական հետախուզության հաղորդագրությունները։
Գերասիմովըю Ռուսաստանի Կենտրոնական ռազմական օկրուգի 41-րդ բանակի շտաբի պետը և հրամանատարի առաջին տեղակալը, մասնակցել է չեչենական երկրորդ պատերազմին, Սիրիայում ռուսական ռազմական գործողությանը, ինչպես նաև Ղրիմի բռնակցմանը։
Օրեր առաջ տեղեկություններ եղան ռուսական բանակի մեկ այլ գեներալ-մայորի՝ Անդրեյ Սուխովեցկու մահվան մասին։ Տեղեկությունը ռուսական կողմը պաշտոնապես չի հաստատել։
