Ուկրաինայի արտաքին գործերի նախարար Դմիտրի Կուլեբան ասել է, որ մինչ պատերազմը ուկրաինացի ժողովուրդը ՆԱՏՕ-ն համարում էր ուժ, իսկ Եվրամիությունը՝ թույլ և անվճռական, սակայն իրականում ամեն ինչ այլ կերպ ստացվեց։ Այս մասին նա ասել է հեռուստամարաթոնի ժամանակ, տեղեկացնում է ՈՒՆԻԱՆ-ը։
«Պատերազմի մեկնարկից հետո ուկրաինացի ժողովուրդը տեսավ, որ հակառակն է: Որ Եվրամիությունը բնավորություն ունի, ուժ ունի, անվտանգություն կիրառեց, աննախադեպ պատժամիջոցներ սահմանեց: Զինված ուժերի ֆինանսավորման հատուկ հիմնադրամ ստեղծեց: Մեզ անդամակցության հեռանկար տվեց: ՆԱՏՕ-ն ոչինչ չի կարողանում որոշել»,- ասել է Կուլեբան։
Նա ընդգծել է, որ դա «թուլություն է, որի համար Դաշինքը վճարելու է»։ Միեւնույն ժամանակ, նա ասել է, որ Ուկրաինան շարունակում է համագործակցել ՆԱՏՕ անդամ առանձին երկրների հետ։
«Մենք դեռ ամուր ենք և շարունակում ենք աշխատել գործընկերների հետ երկկողմ մակարդակով, որպեսզի նրանցից ավիացիա և հակաօդային պաշտպանության սարքավորումներ ձեռք բերենք: Դրանք ՆԱՏՕ-ի անդամ երկրներն են: Բայց դա Դաշինքը չէ որպես ամբողջական կառույց: Պատերազմը միշտ այն ժամանակն է, երբ դիմակները դեն են նետվում, երբ բոլորը ցույց են տալիս իրենց էությունը: Եվ, ցավոք, մենք բոլորս տեսանք, որ ՆԱՏՕ-ն այնքան էլ այն չէ, ինչ մտածում էին ուկրաինացիները»,- խոստովանում է Կուլեբան:
Նշենք, որ Ուկրաինան ՆԱՏՕ-ից պահանջում է փակել Ուկրաինայի երկինքը, Դաշինքը սակայն դեմ է դրան։