«Հայկական ժամանակ» օրաթերթը գրում է, որ ՀՅԴ Արևմտյան Ամերիկայի Կենտրոնական կոմիտեն երեկ հայտարարություն է տարածել, որով մերժել է Լոս Անջելեսում Հայաստանի անկախության հռչակման 20-րդ տարեդարձին նվիրված երեկույթին մասնակցելու պաշտոնական հրավերը։
«Ճիշտ չենք գտնում Հայաստանի անկախության վերականգնմա ն 20-ամյակի առիթով ի պատիվ նախագահ Սերժ Սարգսյանի «տոնական հանդիսավոր ճաշկերույթ» կազմակերպելու նախաձեռնությունը»։ Անկախության տոնակատարությունը չի կարող առիթ ծառայել փառավորելու հեղինակազրկված պաշտոնատարներ, այս պարագայում՝ մի նախագահ, որի վարած քաղաքականության հետևանքով 20-ամյա Հայաստանը ամեն օր առավել ևս խրվում է փտախտի տիղմի մեջ»,- նշված է հայտարարությունում։
Թերթը գրում է, որ ուշագրավն այն է, որ ՀՅԴ բյուրոն երեկ տարածած իր հաղորդագրությամբ քննադատել է ՀՅԴ Ամերիկայի ԿԿ հայտարարությունը։
