Թուրքական Zaman թերթի փոխանցմամբ՝ Թուրքիայի Գլխավոր շտաբը հայտարարել է, որ արդեն երկրորդ գիշերն է, ինչ Հյուսիսային Իրաքում գտնվող քուրդ զինյալների ճամբարները ենթարկվում են ռմբակոծության։
Երկրորդ դեպքում ոչնչացվել է Թուրքիայում ահաբեկչական հռչակված ու արգելված «Քրդստանի աշխատավորական» կուսակցությանը (PKK) պատկանող 124 թիրախ։ Դրանցից 28-ը ոչնչացրել են թուրքական ռազմաօդային ուժերը, իսկ 96-ը՝ թուրքական հրետանին։
Հիշեցնենք, որ ռմբակոծությունների առաջին ալիքի կապակցությամբ Գլխավոր շտաբը հայտարարել էր, թե դրա արդյունքում Հյուսիսային Իրաքում ոչնչացվել է 228 թիրախ, որոնցից 60-ը՝ ավիացիայի, իսկ 168-ը՝ հրետանու միջոցով։
Ի դեպ, վերջին մեկ ամսվա ընթացքում PKK-ն Թուրքիայում սպանել է 40 զինծառայողի ու ոստիկանի։
